話說上星期六，四位某人在大埔附近午膳，大家發完『勞蘇』，吐完一輪不快後。

某人：喂，點呀？去邊呀？咁好天。
某人：唉，無地方去，去鳳園影蝴蝶啦。
某人：吓？我最長得50咋喎。
某人：我有支70﹣210。
某人：我有支135同支300波波。

唉。。。。咁去囉。。幾個某人齊聲。。

＠＠＠＠＠＠＠＠＠＠＠＠＠　我　是　分　隔　線　＠＠＠＠＠＠＠＠＠＠＠＠＠

話咁快去到鳳園，各自整理好裝備。

某人C 用135/2.8。最經常聽到既說話係：『喂，對吾到既？搞錯呀，企咁遠都對吾到，隻蝴蝶咪好細囉？』
某人M 用70-210/4。經常神經叫起來：『嘩，好恐佈呀，咁核突既？呢隻咩黎架？嘩，嚇死人咩。』
某人A 用16-80菜頭。無錯，就係16-80，佢話：『借支燈黎，我見人地都係咁影，今次閃爆佢。』
某人R 用300波波。心想，我仲吾係最長，呵呵。

＠＠＠＠＠＠＠＠＠＠＠＠＠　我　是　分　隔　線　＠＠＠＠＠＠＠＠＠＠＠＠＠

某人R 影左一輪，mf到眼水都標埋，於是。。。

某人R：喂，M，你睇下我d波波。
一向誇張既某人M：嘩，勁呀，好正喎。
某人R：借俾你玩下喇。你俾支70-210我。

某人M 換鏡後不久又怪叫：頂。。喂。。。。堅呀。。。。點對架？。喂。。

＠＠＠＠＠＠＠＠＠＠＠＠＠　我　是　分　隔　線　＠＠＠＠＠＠＠＠＠＠＠＠＠

某人R用70-210影左一輪，影左幾張好野，於是。。。

某人R：C，妳睇下，幾正，隻蜂幾正。
一向挑剔既某人C：正係邊？都吾sharp既？
某人R : ＠＃＄﹪↑﹠，飛緊點sharp呀。
某人C；哦。咁你鐘意啦。

＠＠＠＠＠＠＠＠＠＠＠＠＠　我　是　分　隔　線　＠＠＠＠＠＠＠＠＠＠＠＠＠

就係咁，幾個某人開開心心渡過一個好天氣的下午。

第二次走到文武廟，倚舊的煙火迷璃，添了香，煙升天，神佛保家平安。

人同神，就在同一斗室間共存。

噢，很久沒有發文了，是寫blog熱潮過氣了，還是我的生活沒有甚麼好記下來？

08年，第三年去花展了，今年買了一支macro鏡，為的就是試拍一套有靈魂的花相，這個念頭源於一年前看過某位師傅的作品，足足等了一年，算是抄襲，算是實驗，但拍到自己心目中的相片，足夠了。

呀，月頭換了新相機，但沒有太大興奮。來看看相吧！

拍日出，跟幾位好朋友上山拍星軌，拍日出，原來，攝影真的要看運氣。天不造美，捱了一個通宵沒收獲。

早前跟一大班朋友走到雲泉仙觀，就是為影荷花．

前輩教路，影荷要影意景，要有畫意．面對小池塘內幾朵含苞待開的花苞，只好盡力創作好了．

 (閱讀全文)

影相好辛苦。難得好天氣，但曬得如火燒。難得找到好景點，但要走上千級梯。蚊釘蟲咬，汗流浹背。為的。。。。

 (閱讀全文)

長洲太平清醮，一年一度，去年初玩攝影，錯過了這個盛事，今年難得天氣好，於是成行．

人潮湧湧，看熱鬧的多，影友更多．小小的一個島上，就充滿了各種拍攝器材．

傳統長洲這個月是吃素的，部分餐廳保留著這傳統，但有些為照顧遊客的需要，一樣有肉吃．但天氣熱得我吃甚麼也沒胃口，只管喝了兩瓶可樂．

吃過午飯，遊行兩時開始，我們一時左右就找到一個好地點在等，說是好地點只不過是有瓦遮頭，時間一分一秒過，但很是難捱．

辛苦的一天，拍到的照片不多，但總算時好好的經驗，明年還會再去嗎？

 (閱讀全文)

上星期初，天氣好得很，下班時看到天邊一片紅，於是某個黃昏，一個人走到天星碼頭停車場。

可能，個天真係吾鐘意我，影相先來一大片黑雲，那個藍天呢？

這幾天都是下著大雨，明天假可以外影嗎？

昨天，天氣好得很，手術後第一次復出拍攝，地點又係牛頭角（上年已去過一次），今次跟一班新相識的影友同行，愛攝影的都是好客的，哈哈。

最後發現，右眼還是有點對焦失準，但覆診時醫生說會慢慢好起來，在懷疑，是好起來還是習慣起來？

失眠夜，可能是白天睡得太多，現在，腰也有點痛．．．

 (閱讀全文)